今天只有我與憲兒吃晚飯 , 我沒有買餸煮飯 , 兩個人到麵館吃豬手撈麵 。
一個肥仔伙記端來兩碗上湯 , 可能是碗滑 , 他不小心倒瀉了一碗湯 , 整碗湯倒在
桌上 , 然後跌落憲兒肥肥的大脾上 , 他剛好是穿短褲 , 肥脾漉到正 。他馬上大叫 ,
伙記及老闆馬上前來道歉 , 給憲兒遞上紙巾及毛巾。憲兒跟他們說無事無事 , 當
人家走開後 , 他說我唔投訴 , 唔想個伙記被人炒 , 媽咪你都唔好嘈 。傻仔 , 你又無
受傷 , 我為什麼要嘈呀 !
他一邊吃 , 一邊說老闆會否不收我們的錢呢 ? 我說好難啦 ! 這時老闆過來問憲
兒啲麵夠唔夠食呀 ? 他馬上說夠呀 ! 當老闆走去 , 他跟我說其實他想講豬手唔夠食
先至真 , 我真係俾佢笑死 。當我們快要埋單之際 , 他用手指做了九的手勢 , 並說老
闆會否俾九折我們呢 ? 我說好難啦 !
結果是一亳子都無收少的 !
