大中華

         一行五人在深水埗街頭覓食, 正在苦惱到那一家食肆之際, 憲兒提議吃大中華, 電視雜誌都有介紹過的。老實說我甚少看飲食節目, 既然寶貝咁好記性記得這店, 當然要試吓啦! 

        真係唔講得笑, 十分好味。豬手是超級好味, 怪不得這麼多枱上都有豬手。我嫌小炒王太多料, 沒有誇張, 根本吃不下了。雜菜煲太多料太鮮味了, 吃到唔停得口。

        太好味了, 下次一定會再來。

尖沙咀大喜屋

     
        細佬介紹大喜屋的日式放題是不錯的, 於是便訂位試試。這店真誇張, 由於太多人吃, 需要早一點去排隊搭升降機。一行十人, 點了數盤刺身, 很新鮮, 好味。但如果跟高檔的日式餐廳比較, 當然係無得比。這兒連海膽、蟹粥都有得吃, 以二百多元的價錢來說, 確實是超值, 怪不得這麼多人。以衛生環境來比較, 這裡較漁屋優勝。可惜人太多, 我們十人只能坐在小圓枱, 比較擠迫。

淘大廚藝坊

        本人是華潤堂會員, 它們舉辦了煮海味班, 獲邀到大埔工業邨的淘大廠房內廚藝坊煮食。華潤堂安排了車在大埔火車站接送會員到廠房, 一行十多人便浩浩蕩蕩到了廚房了。

        首先是廚師老師先行試做一次, 並讓大家試食, 當然每人只是一塊而已, 味道確實不錯。跟着便到我們煮了, 一張枱兩個爐, 華潤堂分發食材給大家, 有冬菇、花膠、雲耳、乾堯柱。完成後, 我覺得味道有點鹹, 不過整體來說都是不錯的。各人都帶備餐盒把食物存起來。

         每位會員都收到一大袋的淘大產品, 好重呀! 另外, 每人獲贈一張優惠劵, 可以用特惠價錢買冬菇、花膠、雲耳、乾堯柱。我馬上坐車到爸媽家, 帶餐盒給他們試試我的手勢及品評一下華潤堂海味的質素。媽咪試食後, 大讚海味質素不錯, 我倆決定找一日齊齊去華潤堂買海味。

         這個活動真不錯, 免費的, 又可以學煮餸, 又可以有贈品, 又食又拎, 俾個 LIKE 佢。