紙黏土手工食物

清理櫃子, 見到寶貝數年前做的手工勞作, 不禁要讚揚他一番。他的手這麼大, 手工可以做得這麼細緻, 真的要俾個 LIKE 佢。

鯇魚片蒜茸蝦粉絲

        鯇魚腩最厚的部份, 因為太厚了, 次次蒸魚都唔熟, 故此我會把最厚的部份切下來, 切片醃味, 放入玻璃盒內, 方便煮麵或煮米粉做餸吃。

        今天攪攪新菜式, 鋪粉絲放碟底, 中間放蒜茸蝦, 外圍放鯇魚片, 一齊去蒸。未蒸之前, 外觀不錯, 蒸熟後縮起來, 個樣麻麻地。味道方面淡了少少, 蒜茸唔夠多, 有大量的進步空間。

九龍城魚一料理刺身拼盤

       上次我與老公到魚一料理吃定食, 憲兒未食過, 今天帶他前來試試。每人 order 一個定食, 另外再叫了一個刺身拼盤, 這個剌身拼盤只是 $280, 嘩 ! 好鮮味, 好正, 份量也不少, 每片也很厚, 咬入口的口感甚佳, 一流 ! 日後一定會再來吃 ! 

銅鑼灣新斗記飲茶

        今天與友人到銅鑼灣新斗記飲茶, 友人早已訂位, 但都要等半小時, 肚子餓得咕嚕咕嚕 。終於等到位啦 ! 馬上 order 點心, 叫了六個點心, 雖然是普通點心, 但質素不錯, 味道很好。最令人驚喜是埋單只是 $178 , 好抵食呀 !