決定去泰國旅行

今年8月仔仔會到匈牙利做交流生一年, 24孝爸爸要趁兒子出國前跟他去旅行。大家在商議地點時, 老公建議去上海, 我與兒子不同意, 最憎返大陸, 又熱又無嘢玩, 唔制 ! 我提議去泰國, 最後一致通過。我們挑選了康泰五天團去曼谷芭堤雅, 問了爸媽, 他們都有興趣, 於是請爸媽一齊去旅行, 讓兒子玩完開開心心去交流。

天天旺 $45

今天與老公經過界限街, 未食午餐, 見附近有間日本餐廳, 便上去吃午飯。我叫了一個三文魚頭餐, 侍者端餐過來時, 我嚇了一大跳, 咁多? 半個三文魚頭、湯底、一大盤蔬菜, 自取罐裝飲品, 連加一都不用, 只是 $45 , 超值 ! 我根本吃不下這麼多, 要老公幫幫口 ! 又平又好食, 真係少見。

買了 iPAD air 2

        一星期前, 已用了兩年多的 ipad air 啲電去得很快, 最恐怖是機身微燙, 膽小的我馬上要老公 trade in 舊機換新機。最攪笑是決定了換機, 在淘寶也買了新機保護套, 奇怪, 這兩天 ipad 又好正常, 我當然無跟老公講啦 ! 哈 哈 哈 !

        今天老公放假, 一齊去先達放舊機, 收機價係 $1200 , 其實我數天前在網上睇有 $1400 , 算啦都無計, 因為店主叫了一個大陸人來收的, 我們估計這大陸人應該是駐場收機的, 就算我們去別家店, 可能都是他, 費事煩, 收錢走人。

        到了豐澤買 ipad air 2   64GB    只有wifi , 盛惠 $3888 , 中銀咭簽賬還可回贈 $150 , 百佳咭可以儲分。 兩年多前買 ipad air     16GB    只有 wifi 都要 $3888 , 其實現在價錢相同,  GB 數大了, 變相是便宜了。豐澤店員問我們 trade 了多少錢, 我們收了 $1200 , 他說我們放得高, 如果在豐澤收機只有 $1000 , 而且 ipad air 的新機價是 $2688 呀!  

         開心有新機用, 可以下載很多 apps , 不用好像以前不停要刪除 apps, 因為 16 GB 真的不夠用 。

滷水牛展

       數星期前買了一條急凍牛展, 今天心血來潮, 想試吓煮滷水牛展, 今次是第一次煮的。首先要上網研究食譜, 經過一輪嚴格篩選後, 終於選定了參考食譜, 然後到街市買配料。我是用真空煲煮的, 結果是唔硬, 好味道, 不過淡少少。其實我是不吃牛的, 我是煮俾老公及囝囝食, 今次成績不錯, 好嘢 !