年初一 . 大家樂盆菜2014

年初一晚, 全家人到了奶奶家中吃晚飯, 早幾天前已預訂大家樂的盆菜。

鮑魚瑤柱福袋盆菜 ( 10 - 12 位 )

風生水起笑哈哈 ( 撈起 )

燒味拼盤

珍味帶子鮮冬菇炆伊麵

合共 $1242 

盆菜味道不錯, 最差是帶子, 根本無法咬爛。

年三十

        今天是年三十, 我習慣一定在這天抹地, 感覺是把家居清潔得乾乾淨淨, 才去開展新的一年。我正要忙得不可開交之際 , 憲兒卻嚷着要去看『賭城風雲2014』, 我真係怕了他, 不想他在家中走來走去, 壞我抹地的大製作, 寧願讓他單人去 THE ONE 睇電影, 順便叫他預買年初二大鬧天宮三張電影票, 因為我想在年初二帶外甥仔去看電影, 早場 10:45 的 3D 戲票只需 $65 一張 , 都算抵睇。
        晚上, 一家三口到家中附近的餐廳吃晚飯, 老公多次叫喚伙計取鵝醬, 面對面叫着, 只距離五呎, 都不理會。老公有點發火的大聲叫攞鵝醬, 結果那個伙計也發火, 大聲的說唔攞又點 ? 唉 ! 年三十晚都與人嘈, 真係俾老公激死。最後由老闆來擺平, 這個老闆的 EQ 真好, 他跟我老公說所有嘅錯都係佢嘅錯, 因為今天有員工病假, 人手唔夠, 客人又多, 伙計已做到好倦。世界變了, 現在做老闆真不易, 做伙計是惡過老闆的。可憐的我和憲兒, 有一段長時間都不敢來吃飯啦 ! 
        食完晚飯, 齊齊買年花, 買了兩枝蝴蝶蘭, 由於我們有帶花盆, 只收 $256, 幫我們放入花盆, 並放一些裝飾品在花盆內, 服務不錯, 態度一流, 明年繼續光顧。  

團年飯金陶軒

        今天是我家提早吃團年飯的日子, 因為只有今天可以有位, 真厲害。一行十大兩小, 點了以下的菜式 , 大家覺得每一樣餸都很美味。最令我覺得驚喜的是油雞, 我從未吃過這麼好味的油雞 , 太太太好味啦 ! 我覺得比較遜色的是鮮淮山炒素珍, 比較普通。大細佬話試下燕窩花膠羹, 味道是不錯的。埋單找數$3332 。


酸姜皮蛋
义燒  ( 例) $88
鮮淮山炒素珍 ( 例 ) $78
西蘭花炒帶子 ( 中 ) $336
燕窩花膠羹     ( 大 ) $700
海青斑兩味 ( 二斤多) ( 苦瓜炆+炒球) $680
麗影紅紗卷 $138
油雞一隻
糖醋骨
酥炸牛坑腩
生炒糯米飯
金菇堯柱乾燒伊麵

衛訊 trade in HTC one X

        今天早上我已把新手機的 setting 全部攪掂, 可以提早一天到衛訊 trade in 舊機, 有點緊張呀, 我咁大個女都未試過 trade in 手機, 唔知衛訊會唔會借故扣錢呢 ? 其實我已用了 htc one X 接近 20 個月, 都從未壞過, 我對佢好有信心, 只是怕衛訊會否吹毛求疵呢 ?
         中午去到衛訊, 店員入 sim 咭到手機打出打入試電話 , 用 wifi 上網, 查機身有無刮花, 有無凹凸, 揭開保護貼查螢幕, 然後俾現金 $1900 給我, 好開心呀 ! 今次 HTC ONE MAX 實付金額只需 $3998 ( $5898 - $1900 ) , 正 !  

衛訊買 HTC one max

        今天中午過來旺角買手機, 我去了另一家衛訊問價錢, 好開心呀 ! HTC ONE X 收機價 $1900 , 比起昨天另一家報價多了 $200 , 好嘢 ! 我買了紅色的 HTC ONE MAX , HTC 送了粉紅色的原廠手機套, 襯起來好看極了。
        由於手機的記憶體只有16GB, 因此我早就買了 Philips  的32GB  micro sd 咭 $225 , 好讓把舊資料搬入新手機內。現在手機便有 48GB 記憶體。
        由於舊手機內的資料高達 25GB , 我要求 3天後才 trade in 手機, 並安排我到旺角柏裕中心的衛訊服務中心14樓, 將舊機資料過入新手機。其實我早有準備, 已帶了一本書, 在服務中心內坐下來慢慢看書, 已坐了一小時, 服務員說大約還要等多一小時。既然如此, 我先去吃飯, 然後再回來等。前後足足兩小時便完成了, 馬上取回手機 check 資料。
        sms 、相片、短片、whatsapp、歌曲等都可以搬入新機, 但不能把全數的 apps 搬入新機。 此外, 錄音紀錄也不能成功搬入新機, 還有其他 apps 內的記錄。無辦法啦 ! 換手機一定要付出一定代價, 就是回家慢慢執齊所有 apps 及記錄, 幸好我還有三天時間, 因為我三天後才 trade in 舊機 。

老公俾錢買新手機

        老公早在11月尾左右便說俾錢我買手機, 其實我的 HTC ONE X 也沒有壞, 我也不用急着換。我跟他說不如折現啦 ! 他說無得折現, 咁就唔俾啦 ! 咁樣呀, 梗係換機啦 ! 碰巧我的朋友也想換機, 我便一心等她有空一齊買新手機。
        怎料她的空, 實在令我等太耐, 等到快要一月尾都未有空, 老公都問我幾時買機, 我都已經等得不耐煩了。碰巧今天到旺角取團購物品, 便順便到先達廣場附近的衛訊問價錢。trade in HTC ONE X  $ 1700 , HTC ONE MAX 價錢$5898 , 馬上再問 salesman , 如果買兩部手機, 有無再平一點, 無呀! 公價。我又再問問 trade in iphone 4 手機多少錢 - $2500 。
         回家細想下, 既然買兩部手機都沒有平一點, 我決定不等友人, 明天馬上去買機, 因為舊機是不保值, 只會跌, 不會升。
          

取 Groupon 團購要行貨lift

        今次已經是我第二次來金朝陽中心取 GROUPON 團購的同一樣貨品, 因為我第一次發雞盲無留意團購優惠劵上的生效日期, 只留意有效期, 兩星期前撲了一個空, 今天又要傻傻的再來一次。

GROUPON 優惠劵上顯示大大隻字的資料, 至於生效期的字體比這些字細一倍, 寫在細則上。
優惠券編號: 00102249KT 保險編號: 0F7F921C73
有效至 31.01.2014 編號: 717919179


以下是 YAHOO 團購優惠劵上所顯示大大隻字的資料, 清清楚楚 。而且會在到期日前發一封電郵給你, 提醒你團購優惠快要過期, 應盡快換取, 真是十分細心的服務。
開始生效: 2014-02-13
到期: 2014-02-27
`

       今次確實是自己烏龍, 無辦法啦 ! 我手持着團購優惠紙正在等電梯時, 有一女職員請我到貨 lift 那邊排隊, 她說取團購的全都要在這邊排, 我確實見到最少有五個人正在排隊, 我唯有不情願的走過去, 但我心裏面已經十分憤怒。為什麼買團購取貨品要用貨 lift ? 我又不是速遞員、搬貨工人、清潔工人, 真是豈有此理。為什麼取團購貨品好像被降 grade 了 ? 真的是十分不爽 !!! 我以前來過數次, 從未受過這種款待, 好嬲呀 ! 以後我盡可能不買 groupon 的團購, 其實已經是很少買, 我多數買 yahoo 的, 肯定以後會更加少買 groupon 。