明寶石餐廳

今天一家三口到明寶石餐廳吃晚餐, 本來都是對這餐廳有期望, 食完後真係有點失望, 不外如是, 是否值得百多元一個餐? 見仁見智, 我覺得唔值囉 ! 

旺角妹記大排檔

兒子早前曾與老師及同學到旺角的妹記大排檔吃過晚飯, 回家後說好好味, 叮囑下次去旺角要一家人試試。今天一家人到旺角買東西, 晚上吃飯當然要去妹記喇 ! 

皮旦唔得

蟶子稍嫌不夠味

其他菜式都OK 

基本上是合格的

艾灸

在淘寶見到這麼實用的艾灸套裝, 真係前所未見, 方便又實用, 馬上買來試用。艾柱固定在艾罐內, 艾罐放入三聯袋, 可以綁在身上, 方便一邊做嘢, 一邊艾灸, 正 ! 

另外, 見到另一個廠商賣玉石艾灸棒, 可以在面部艾灸, 十分喜歡。正 ! 只是要一直拿着它來做艾灸, 同時不可以做其他東西了, 要專心專注。　

如心艾朗酒店鮑魚生蠔海鮮半自助晚餐

仔仔今天生日, 24孝老豆早前已叫我買定自助餐團購, 替他慶祝。如心艾朗酒店有鮑魚生蠔海鮮半自助晚餐, 聽個名好勁, 每位$288 + 加一$53.8 , 值得一試。

主菜: 老公及仔仔選了金蒜粉絲蒸南非鮮鮑魚(大隻)

           我選了金蒜粉絲蒸九孔鮮鮑魚 ( 4 隻 ) 

我選九孔鮑, 因為多一點, 而且我怕一隻大鮑魚肉質會韌, 結果味道一般, 麻麻地。反而老公及仔仔說大鮑魚好吃呀, 今次我揀錯了。最開心是有我心愛的 movenpick 雪糕吃。

  

極尚大喜屋

初三晚, 一大班人到了極尚大喜屋吃放題, 每位 $288 要加一, 18:00 - 20:30 。叫了兩盤大碟刺身, 還有很多不同的食物, 真係飽到不得了。總體來說, 味道是不錯的, 這個價錢是付得值的。

媽咪煮年夜飯

媽咪覺得在街外吃年夜飯, 又貴又唔好食, 講明今年要在家吃, 她來煮。我只是覺得會太辛苦, 但是她堅持。為了這頓飯, 她準備了超過一星期, 因為部份食材要浸發的。

當我見到製成品後, 不禁嘩的一聲, 好勁呀 ! 份量大, 賣相好, 每碟都是貴食材, 比酒樓的出品更優勝。品嚐過後, 味道一流, 每個餸都太好味, 根本不用吃飯, 光是吃餸都十分飽肚。一家 12 人吃, 太多餸了, 結果剩下很多餸。媽咪真係好勁及好叻呀 ! 如果吃相同的食物, 換轉在酒樓吃, 不敢想像埋單的金額。

西蘭花乾鮑

冬菇花膠

海參髮菜蠔豉排骨

還有東星斑, 雞

又乖又叻的姨甥女

妹妹的女兒葶葶, 今年五歲, 又乖又叻女, 我錫到佢燶。這個乖豬豬, 畫了一幅畫給我, 畫中有我一家三口, 好可愛。畫中的中英文字, 全是她自己寫的, 雖然其中一個姨字寫錯了, 但都很得意 。