桂花魚事件(早)

          早上 , 憲兒堅持要跟我到街市買餸 , 無辦法啦 ! 唯有帶他一起去 . 首先 ,

 我到魚檔轉了一個圈 , 依然無心水買什麼魚 , 最後我看到桂花魚很新鮮 , 心想

買魚後不立即洗 , 放在雪櫃數小時後才洗魚 , 牠應該不會動 . 因此我的起心肝

跟魚檔嬸嬸要一條桂花魚 . 正當嬸嬸替魚去鱗之際 , 

憲兒 : 嬸嬸 , 你可唔可以攞走條魚個心呀 ?

嬸嬸有點不悅  : 個心係裏面好難攞嘅

憲兒 : 因為媽咪好驚條魚仍然在動 , 攞佐個心應該唔動

嬸嬸立即笑出來 : 你真係好孝順 , 你怕媽咪驚呀

憲兒 : 係喲

嬸嬸 : 其實啲人無扑死條魚 , 我會扑到佢死 , 牠就不會動 . 你看這個就是個魚心 

憲兒 : 唔該哂

嬸嬸對著我說 : 你個仔好孝順你 , 你唔駛擔心

我已經笑到合不攏嘴 ! 這個心肝寶貝 , 真是很細心 !