有色的茶

        今天一家三口到大家樂吃晚餐, 付款後, 我與憲兒坐着等吃, 老公出去取食物。 他聽到旁邊有一個60歲左右的阿伯跟經理說要一杯有色的茶, 那個年輕的男經理竟然跟阿姐說"俾杯鼓油佢" , 雖然阿姐是遞杯茶給阿伯, 但阿伯十分激動, 不停用粗口大鬧男經理, 他是真金白銀買嘢食, 唔係入嚟攞茶飲, 你呢啲係乜嘢態度, 你當我係乞兒呀? 你 xxxxxx 一直在罵經理, 那經理已經立即道歉, 但阿伯罵了一會才回到自己張枱, 他可能坐下來覺得條氣好唔順, 繼續罵了一會才收口。
        那個經理應該係有啲問題, 我們剛坐下時, 已看到有一中年女子在罵他, 聽不清楚在罵什麼, 隔一會便走了。怎料等到我們食物可以攞時, 他又要俾人罵。正所謂 " 面係人哋俾, 架係自己丟嘅 " , 一個活生生的實證。