紅磡街市熟食中心

        中午一家三口到筲箕灣的城隍廟拜拜, 未拜之前先醫肚。我在找安利魚蛋粉, 奇怪, 找不到。左行右行, 終於發現它正在內部裝修, 真激氣, 專程來吃, 竟然吃不到。我們發現斜對面的魚蛋粉有很多人光顧, 我們只好過去吃這一家啦 ! 它的店外貼了相, 原來曾蔭權及梁振英都曾光顧的。馬上入內光顧, 憲兒已大叫肚餓, 叫了鮮油奶多、魚蛋米粉、清湯腩粉、切腩撈麵、菜、飲品, 憲兒吃了兩碗呀 ! 埋單要二百幾元, 都唔平呀 ! 我覺得魚蛋的質量跟安利差不多, 但鮮油奶多就不及安利好味道, 我好想再吃安利的鮮油奶多呀 ! 

        拜完神後, 到了麥當奴坐下飲東西, 稍作休息, 然後逛了一會銅鑼灣 , 便坐隧巴去紅磡。憲兒的同學力讃紅磡街市樓上的熟食中心不錯, 我們便去試試。熟食中心內人山人海, 真是很多人呀 ! 老公叫了瀨尿蝦、鵝片、筍殼魚、蟶子, 老實講, 有點失望, 不是十分好吃 , 未必會再來下一次了。今次我們無叫小菜吃, 唔知小菜的質素是否會較佳呢?