孝順仔

        今早我與憲兒兩人結伴到美心吃早餐, 有一位斯文的女子問我旁聽有人嗎? 沒有人的。她與兒子便坐下來, 媽媽去排隊買東西吃, 隔了一會, 坐在我對面旁邊位的略胖的白白淨淨戴眼鏡男仔, 年約10歲左右, 我估計是4 , 5 年級的小學生, 站起來說: 『媽咪, 唔駛出面等, 等 number 嚟攞嘢食嘅, 返嚟坐啦 ! 』她的媽媽在出面應該聽不到他說話, 他馬上跟我說: 『唔該幫我睇住個位。』當然無問題啦 ! 他咚咚的走了出去, 然後他拖着媽媽的手返回座位。當媽媽要出去取餐時, 跟仔仔說:『你幫我睇住個手袋啦 ! 』胖小子立刻跳過來, 坐在媽媽的位置上, 抱着手袋。媽媽捧餐回來, 用刀把魚柳切開, 叫仔仔你食先, 小心唔好整跌杯阿華田呀!』之後, 她便出去取自己的餐。隔一會, 她又問仔仔 : 『你杯凍阿華田還是暖的, 我去幫你加冰。』『好呀, 唔該媽咪。』

        這對母子絕不似是窮等人家,  他們衣着光鮮, 我覺得似係平日有工人照顧, 甚少吃快餐的有錢人家。見到人家母慈子孝, 心裡面是很高興。如果社會上多一點孝順仔女, 善良的父母, 我相信社會會和諧些。

        我心裡面覺得這對母子, 很似我與憲兒, 好像倒帶睇到以前的我們。以前小學的憲兒會讓我拖着他, 現在怎也不肯, 他現在是捉實我的手腕, 我覺得似警察捉住個犯呀 ! 其實我心裡知道, 他會捉實我, 比起其他仔女連父母都唔肯陪, 他確是很乖的。他緊張我的程度, 絕不會少過小胖子的。我真的很感恩, 老天爺賜了這個心肝寶貝給我。