蛋家佬蒸氣石鍋

老公想食蒸海鮮, 於是買了疍家佬蒸氣石鍋專家團購, 1人售 $368, 2人售 $724 , 由於一家三口, 便買了一個1人餐及1個2人餐。

海龍豪傑餐  ( 每人  ) 
1 隻北海道赤貝刺身
半隻生蒸南非乳龍蝦
1 隻金蒜銀絲蟶子
4 隻生蒸滋味鑽石蜆
1 隻薑蔥蒸美國桶蠔
1 份鮮人參蒸滑雞件 / 6 粒白松露蜜蒸牛仔粒
1 份梅菜肉碎蒸野菌
1 份乾隆菜乾咸骨粥按優惠券價錢收取加一服務費 ($37 / $73 )

另收取醬料費每位$18及小食費每碟$10(6人或以下1碟，7人2碟)

今天到了蛋家佬, 這店舖正是以前漁屋的位置, 之前已來了數次光顧漁屋, 故此一點也不陌生。 蛋家佬的裝修與漁屋截然不同, 當然是現在比較好 , 枱與枱之間不會太擠迫, 裝修也較有品味 ! 

女侍應前來告知今天無赤貝, 可以改吃三文魚。 吓 ! 我最想吃的就是赤貝呀 ! 三文魚唔鍾意 ! 後來她說可以改吃帶子, 那當然要帶子啦 ! 然後她又說無鑽石蜆, 改食番薯蜆 , 無辦法啦! 她問我們要雞件還是要牛仔粒, 我要求一份雞、兩份牛, 因為我唔食牛的, 爭持了很久, 連經理都強調話唔得, 因為要兩份起, 連講多句都費時。團購食嘢, 錢已全付, 你可以點呀? 貨不對辦, 又沒奈何, 唔食都唔得, 自己蝕底, 唯有吃三份雞, 其實心中不高興。

帶子刺身- 普通貨式, 不太鮮甜
龍蝦 - 味道鮮味, 十分新鮮 
蟶子 - SIZE 不是太大的, 味道一般
桶蠔  - OK 啦 ! 

番薯蜆 - 好味 ! 但太少啦 ! 
人參雞件 - 好味道 ! 
蒸野菌 - 野菌本身無味道, 最緊要靠自己調配的醬料, 野菌的量是多的.
菜乾咸骨粥 - 未吃前, 我以為會鮮甜無比, 但入口卻淡淡無味, 有點失望。勁多油呀 ! 

總體來說, 食物是新鮮的。

終於到埋單收錢, 我已經準備了錢。怎料埋單竟然要$228 ??? 點解呢? 侍應竟然話要收 $54 假期附加費, 有無攪錯, 團購都無寫過這費用, 我要跟他爭辯, 老公又話算數, 我真係嬲, 不是錢的問題, 是原則問題, 無寫明, 怎可以亂收 ! 今次一定係最後一次來光顧此店。

加一費 ( $37+73) = $110 
醬料費 ( $18 x 3 ) = $ 54
小食                         $  10