中國轉捩點

中國幾時爆煲呢個問題之所以引人入勝，係因為一個連街邊買隻咸蛋都可以假嘅國家，竟然有經濟學家跳出嚟同你講今後15年中國GDP平均增長8%。

講呢樣嘢前，讓我哋重溫舊年兩單好誇張但被低調處理嘅新聞。

一單係新疆建設兵團走去買起烏克蘭5%領土，另一單係中國承諾對烏克蘭提供核保護。第一單官方已經否認，但我哋嘅疑問係如果背後冇大deal，點解中國會拎番94年嘅聲明出嚟並用到核保護？

要明白呢單大deal要先明白我哋嘅世界有三大黑土區，用嚟種野特別爽，一個係美國密西西比河沿岸，一個係中國黑龍江一帶，重有一個就係烏克蘭平原。你可能會有疑問，中國係一個全世界國土面積排第三嘅國家，一個農民同土地特別多嘅國家，因乜要去買起人哋300萬公頃土地嚟耕田？

中國GDP嘅組成，已持續多年投資佔GDP50%。GDP有幾個睇法，最原始係睇C+I+G+(X-M)，I即係投資。如果中國要維持GDP唔畀跌，而其他構成部份唔係一時三刻可以拉起，換句話要繼續起公路、起高鐵同炒樓。咁搞法，唔怪得要去人哋到買田。GDP另一個睇法係從貨幣角度去睇，好多人都話人民幣印得太多，最近人民幣又回軟，人民幣應該點睇？下期待續。

人民幣長期單邊升，好多香港人都將部分儲蓄轉成人民幣，最近回軟多波幅，相信最多人關心人民幣走勢會點。

估人民幣點走要先解決係咪濫發嘅問題。上一篇提過可用貨幣角度睇GDP，亦即MV=PT=GDP。2013年中國GDP增長7.7%，56.8萬億人民幣；M2增長13.6%，110.6萬億人民幣。

條數係咁計，M係貨幣，V係貨幣流速，PT係總價，中國官方冇公佈貨幣流速，但從上述數字可以計到中國嘅V大概係0.5~0.6。貨幣流速嘅意思就係錢嘅轉手速度，如果d錢轉手速度好快，即經濟活動頻繁，咁經濟通常好。呢類公式唔係科學，明個原理就可以。

美國嘅貨流速破緊底，但都有1.5~1.6上下，相比下中國貨幣流速太低，係中國要印特別多錢嘅真正原因。讀銀行制度比較知道英國最領先，美國落後英國3~5年，日本落後美國5~10年，中國落後幾多？唔知，如有讀者知不妨指教。中國嘅銀行制度同金融系統落後太多，但過去三十年經濟爆上，融資渠道太少，所以集中晒係銀行借貸上。當然另一個原因係有中國特色嘅樓市問題，呢部分稍後再講。

拎住張廿蚊去斬廿蚊叉燒，叉燒佬又去買廿蚊菜心，賣菜婆入士多買廿蚊餅乾，張廿蚊已轉咗三次手。如果經濟活動減低，錢嘅轉手次數少咗，GDP自然就跌。V通常被當作常數，因為變化唔會太大，咁就產生一個問題，如果GDP要保持7%，即係M2要年年13%增長，係咁印錢人民幣重有冇得升？

待續

前兩篇以經濟角度睇人民幣，但人民幣重有冇得升，卻係政治多於經濟。

中國嘅經濟事實上已經被地產騎劫咗，今年第一季內地地方收入55.4%係靠賣地。有中國特色嘅樓市係咁樣，地方政府煲起地價，發達；發展商將土地抵押畀銀行並煲起樓價，發達；銀行貸款，無端端就創造出貨幣。邊個買？一般平民接唔到幾多，當然要靠富豪權貴。

幾十年前從朋友口中聽到一個故事，話說朋友嘅朋友去內地傾野，當時內地重好荒蕪，但奇怪地方官辦公室旁邊有間士多，而間士多竟然賣Extra。朋友嘅朋友心諗買份見面禮啦，叫老細就整支Extra，點知拎出黎個盒殘到爆，佢咪叫老細換第支，但老細話呢到係得一支。後來有個地膽解釋，如果你以為支酒係拎黎飲就傻仔，支酒賣四千，送完禮呀邊個拎番落黎退三千九，所以成間鋪只需要一支酒。

呢個故事同本人完全冇關，卻令我明白有d野只係載體，懶認真去研究佢嘅價值你就傻。中國樓，就係一個載體。佢嘅作用唔係畀你住，而係畀某d人士用黎泊車。但我地都知中國係幾%人揸九十幾%財富，呢幾%人任佢點食都食唔到110萬億，所以中國嘅貨幣流速係被鎖起而特別低。如果中國樓繼續鎖起d錢，政府又要維持GDP而谷M2以13%速度增長，人民幣就會貶值，但共產黨唔想人民幣大跌，於是諗左條新橋出黎。

待續

大陸今次打貪同過去唔同，因為今次多一層經濟含意。

乾隆死後嘉慶將和珅抄家，呢個十八世紀嘅首富，一生人刮咗白銀十一億兩。十一億兩係咩概念？當時清朝一年稅收七千萬兩，抄和珅一次家夠清朝用十五年。

前兩篇提到，內地因為有中國特色嘅樓市問題同金融制度落後令貨幣流速太低，於是要靠谷M2去頂住GDP。但無止境搞基建、起高鐵、玩借貸去谷M2，人民幣遲早變陰司紙。所以今次打貪，實際上係一次釋放貨幣嘅行動。

但我地亦知道內地向來奉行讓領導先走，一旦打貪就會出現非洲草原畜牲大遷徙嘅景象，貪官會一面同人講包容一面將老婆仔女身家財產全部送出國。剛過去嘅4月，人民銀行公佈人民幣存款減少6546億，其中住戶存款減少1.23萬億。存款離開銀行，有部分係轉去買理財產品，有部分當然係著草。係咁樣嘅情況下，共產黨當然要人民幣跌，人民幣跌，貪官著草都要蝕住走。所以從另一角度睇，人民幣何時回升，就係今次打貪行動何時結束。

打貪嘅時候內地樓市出貨壓力特別大，所以黎緊要留意內地樓市係咪真跌。當經濟下行時一係資產價跌，一係匯價跌，經歷過97嘅香港人特別明白。大陸會揀邊樣？如無估錯，今次最終係要保匯價，因為共產黨想食另一樣大茶飯。

待續

人工6000蚊每年以8%複利率增長，十年後變12954蚊，多咗一倍。6000變12000容易，60萬億變120萬億難，因為基數唔同。1995年中國GDP 6萬億(人民幣，下同)，而家近60萬億，如果中國GDP要繼續以8%增長，睇黎未來要去火星起高鐵先掂。

GDP呢類指標只係數字遊戲，何苦中國必要保7保8？因為中國六四後實際上行一套上壓右疏政策，政治上一切打壓，但人需要宣洩渠道，所以要右疏，即引導全國上下所有精力都只為搵錢。久而久之，社會上不公義之事冇人敢再講，但敲詐扶呀婆者係商機，整粒膠鹹蛋係商機，煉油由南海煉到樓下個坑渠係商機，真係商機處處，唔怪得官員成日叫人把握機遇。

戰國時期魏國李悝落咗道命令，凡有官司解決唔到用射箭了斷，判中的者勝，結果秦國入侵魏國時被射到走夾唔抖。在上者嘅引導一旦積習成形，影響會好大。今時今日中國凡事以錢了斷，有人被車撞扮睇唔到，因出聲成本太高；奶粉溝三聚氰胺詐唔知，因要搵錢。忍氣吞聲可換取更好嘅物質生活，但如果同你講，中國經濟唔再一支箭咁上，廿五年噤若寒蟬嘅積壓會如何爆發？呢個先係中國GDP唔可以跌嘅真正原因。《中國轉捩點》描述一個框架，此框架如何影響股樓匯債，容後分述。

Mr. Tregunter
註：作者為《地利根德閣》blogger，著作有《樓市撈底攻略》

豐和日麗東海烹鮮館

        為了慶祝我與老公註冊N年, 老公買了豐和日麗東海烹鮮館 的團購, 由於沒有三人餐, 故此選了四人餐但三人吃。本來不會抱着很大的期望去吃這一餐, 但出奇的覺得不錯, 感覺到不是太差。

四人餐 : $499

收取加一服務費 ( 四人餐$118 ) 

另加茶芥每位 $12

         我的細細佬答應買一對波鞋給憲兒, 由於憲兒的腳太大, 根本無法在運動家買鞋, 46 碼, 唯有要去 NIKE ID 度身訂做買鞋。正好此店是在銅鑼灣, 吃完晚餐便到鞋店買鞋。憲兒自己選擇顏色組合, 其實都幾好的, 但價錢卻要 $1349 呀 ! 憲兒的運氣真是很好, 原來今天是鞋店最後一天營業, 明天開始要裝修一個多月。 

南乳炆豬手

        今天千辛萬苦的煮了一碟南乳炆豬手, 老公及憲兒說味道有點怪, 真係激死人。幸好姨甥仔吃過豬手後, 說很好味, 好彩還有知音人。

母親節的繪畫

寶貝送給我的母親節禮物

馬雲三句話濃縮人生

事實終歸事實，不由我不服，「馬雲」二字是收視保證，吸睛力的確高強。近來本欄收視率有點呆滯，託託馬雲鴻福，看能否稍挽頹風。

一、「你的責任就是你的方向，你的經歷就是你的資本，你的性格就是你的命運。」
社會越富庶，日子過得很輕鬆，人就自然迷失。與年齡絕對無關，渾渾噩噩做人過日，對前景對人生對事業完全沒有方向的人，多不勝數。責任是壓力，更是推動我們不停向前不敢鬆懈的原動力。何去何從？哪奢侈得起時間去想，做了再講！喜不喜歡、成或敗也好，過程中的經歷，累積得來的經驗，舊日的足迹，就是他日的注腳，為走上成功之路儲本錢。放棄很輕易，堅持極難，艱辛自是必然，為明日的甜能吃得最多苦的人，才有資格享受成功的果實。你的性格如何，命運定必如何！

二、「複雜的事情簡單做，你就是專家；簡單的事情重複做，你就是行家；重複的事情用心做，你就是贏家。」
沒有辦法把複雜的事情簡單化，毋須解釋廢話少講，證明學藝未精、掌握了解都只是皮毛未曾透徹。要是滾瓜爛熟必有心得，去蕪存菁淘汰不必要的多餘，是過程中的必然，專家就是這樣練出來的。簡單的事情重複做，其實很枯燥乏味，就是平凡中見不平凡的可貴之處。就是經過歲月洗禮日子薰陶，甚麼貨色場面未見過？任何疵漏都逃不過法眼，是魚目還是珠，一望即知。長年累月不厭其煩精益求精重複仔細做，每個細節一絲不茍絕不鬆懈絕不出錯，功力爐火純青，不是贏家，誰有資格是？

三、「美好是屬於自信者的，機會是屬於開拓者的，奇蹟是屬於執着者的！」
地獄無門沒有人硬闖是常識吧？但明知山有虎，何解偏向虎山行？敢冒險，是因為相信自己有能力打虎，所以主動出擊，上山尋虎去。正所謂手快有手慢冇，山上究竟有幾多隻虎有誰知？深林危機四伏，走別人走過的舊路，會有新發現嗎？有勇氣敢另闢蹊徑的，才有機會開拓新天地。上虎山，得老虎，很正路，目的已達心滿意足下山去？和入寶山空手回完全沒有分別。除了老虎，山上就沒有其他珍禽異獸？虎山有虎個個知，打幾多隻又如何？有甚麼稀奇？山上未為人知的寶物土地何其多，不甘於平凡，誓要發掘捕獵新品種才肯罷休，能人所不能、想人不敢想，就是奇蹟創造者。

本周Son姐醒你：「滾滾長江東逝水，浪花淘盡英雄。是非成敗轉頭空，青山依舊在，幾度夕陽紅？白髮漁樵江渚上，慣看秋月春風。一壺濁酒喜相逢，古今多少事，都付笑談中。」

Son姐

杜汶澤風暴

香港演員杜汶澤在自己的Facebook發表意見，不贊成台灣通過中台服務貿易協議，遭到中國網民圍插。杜汶澤孤軍反抗，招致更大的網絡野獸暴力，大陸電影惱羞成怒，宣佈「制裁」杜汶澤電影。

杜汶澤是香港人。香港「一國兩制」，擁有自己的言論自由。杜汶澤沒有在北京或廣州的街頭演說，他對中台貿易問題的意見，在Facebook發表，而Facebook在中國，是共產黨禁制的，換言之，大陸的中國人，如果得知杜先生的言論，先要翻牆越柙，然後將杜汶澤的Facebook言論非法散播。這些中國人本身就犯了中國的法律，他們受中共統治，杜汶澤的言論，他們本來就沒有接收的資格。

況且，反對中台服貿協議，不止杜汶澤。台灣的李敖，也明言反對。在最近的一次訪談，記者問李敖：你也反對服貿協議嗎？李敖答：「我當然反對。這是美國全球化的陰謀，但我們躲不掉。被美國人吃掉了，什麼資本主義？資本主義是跨國的。大陸說我們現在要走美國路線，要大家有錢，中國人要全部過美國人生活，世界資源不夠分配，要三個地球。」

反對中台貿易協議，不是反中，而是反美，反對美國霸權主宰的全球化。李敖看出來了：中台服貿協議，是中國先以Made in China的廉價貨做了跟在美帝經濟霸權屁股後的二毛子，然後將自己從美國人消費得到的好處和因此而衍生的污染、剝削、商場房地產的一體化，拆出來，讓台灣做三房東。李敖反服貿協議，為什麼中國的網民不敢撒潑，說要全國制裁李敖？因為李敖是台灣人，而台灣尚未「歸順」，還是尚未到口的肉，而杜汶澤的香港已經是中國的囊中物，所以中國網民可以對杜汶澤耍流氓。

這樣的網民自以為「很強大」，其實他們是奴才和惡棍的混合體。有這樣的「民意」和尊嚴，而且，香港特區政府駐北京的辦事處，以及梁班子，不敢為香港「一國兩制」的核心利益、不敢為香港演藝人的言論自由、不敢為中港兩地的了解，做半點公關，講半句公道話，連菲律賓也看不起中國人和香港，想一想一點也不冤枉。

陶傑